रत्ननगर, भदौ १५ । धार्मिक एंव सांस्कृतिक महत्व बोकेको नेपाली महिलाहरुको महान मौलिक पर्व हरितालिका तीजको संरक्षण तथा सम्बर्द्धनका लागि घिमिरे बन्धु प्रतिष्ठान नेपाल रत्ननगरले तीजको दर खुवाउनुका साथै शुभकामना आदान प्रदान गरेको छ ।
शनिवार एक कार्यक्रमको आयोजना गरी प्रतिष्ठानले रत्ननगरमा रहेका घिमिरे बन्धुका आमा, छोरि बेटी , बुहारी, भाउजु, दिदीबहिनीहरुलाई निःशुल्क दर खुवाएको हो । कार्यक्रमकी संयोजक तथा घिमिरे बन्धु प्रतिष्ठान नेपाल रत्ननगरकी सह सचिव बिरञ्जना घिमिरे सापकोटाको अध्यक्षतामा भएको कार्यक्रममा घिमिरे बन्धु प्रतिस्थान चितवनका सचिव होमनाथ घिमिरे प्रमुख अतिथि रहेका थिए ।
घिमिरे बन्धु प्रतिष्ठान एकैठाउमा भेलाभई एक आपसमा सुख दुःख साटासाट र शुभकामना व्यक्त गरुन् भन्ने हिसाबले दर खाने कार्यक्रमको आयोजना गरिएको संयोजक घिमिरे सापकोटाको भनाईछ ।
दरखाने कार्यक्रममा करिब ४ सय जना महिला र ५० जना पुरुष घिमिरे बन्धुहरुको सहभागीता रहेको थियो।
कार्यक्रममा रत्ननगर वडा नं. २ का वडा अध्यक्ष राजेन्द्र घिमिरे, वडा नं. १३ का वडा अध्यक्ष पोट वहादुर घिमिरे (सुवास), प्रतिस्षानका अध्यक्ष हरिभक्त घिमिरे, सल्लाहकार रामबाबु घिमिरे, रुपन घिमिरे लगाएतले मन्तव्य राखेका थिए ।
रेणु घिमिरेले सञ्चालन गरेको कार्यक्रममा गरेको कार्यक्रममा स्वागत समितिकी सदस्य पार्वती घिमिरे र सम्झना घिमिरेले धन्यवाद ज्ञापन गरेको कार्यक्रममा दर खुवाउनुका साथै नाचगान समेत गरिएको थियो ।
