असार ३१ । टिकट बिनाका दर्शकको ओइरो लागेपछि कोपा अमेरिकाको फाइनल फेरि १५ मिनेट पछाडि सारिएको छ। यसअघि आधा घण्टा सारिएको थियो।
अमेरिकाकको मियामीस्थित हार्ड रक स्टेडियमबाहिरको परिस्थिति टिकटबिना आएका दर्शकले सम्हालिनसक्नु भएपछि फाइनल खेलको समय दुई पटकसम्म सारिएको हो। कोलम्यिाका दर्शकको ओइरलो लागेपछि खेल सारिएको हो।
यसअघि फाइनल भिडन्त नेपाली समयअनुसार बिहान ५ः४५ मा हुने तालिका थियो। कोपाको उपाधिका लागि अर्जेन्टिना र कोलम्बिया भिड्दैछन्।
अर्जेन्टिना साविक विजेता हो भने कोलम्बिया २८ खेलमा लगातार अपराजित छ। यो टोली अन्तिम पटक सन् २०२२ मा भएको विश्वकप २०२२ को छनोटमा अर्जेन्टिनासँग १–० ले पराजित भएको थियो।
अपराजित कोलम्बियासँग कोपा अमेरिकाको फाइनलमा अर्जेन्टिनासँगै भेट हुनुलाई धेरै फुटबल प्रेमीले रोचक संयोगका रुपमा व्याख्या गर्दै आएका छन्। एजेन्सी
प्रतिक्रिया
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
