रत्ननगर, फागुन २८ । पूर्वी चितवनकाे रत्ननगर वडा नं १ साैराहाचाेक स्थित साहारा सुपर मार्केटमा आइतबारराती आगलागी भएकाे छ ।
आगलागीबाट सुपर मार्केटमा रहेका तीनवटा पसलमा क्षति भएकाे छ । आगलागीबाट ८० लाख बढीकाे क्षती भएकाे प्रहरीकाे प्रारम्भिक अनुमान छ ।
सुपर मार्केट भित्र रहेकाे सुहाना फेसन कलेक्सन पूर्ण रुपमा पुर्न रुपमा जलेर नस्ट भयको छ । उक्त पसलमा विक्रीका लागि राखिएकाे नयाँ कपड, एसी, फर्निचर तथा अन्य सामाग्री जलेर नष्ट हुँदा ७५ लाख बराबरकाे क्षति भएकाे छ ।
सुहानाबाट सुरु भएकाे आगाेले नजिकैका अन्य दुईवटा पसलमा समेत क्षति पुगेकाे छ । मार्केटमै रहेकाे कर्मा फेसन कलेक्सन र पिन्क सेक्रेट नामक कपडा पसलमा समेत क्षति भएकाे जनाइएकाे छ ।
विजुल सर्ट भएर आगाेलागी भएकाे हाे । राती ११ बजेबाट सुरु भएकाे आगलागी राती साढे १२ बजे दमकलकाे सहायताले नियन्त्रणमा लिइएकाे थियाे ।
उद्योग बाणिज्य संघ रत्ननगरका अध्यक्ष शंकर गिरीले स्थलगत अबलाेकन गरि घटनाकाे बारेमा जानकारी लिदै पीडित व्यवसायीहरुलाई सान्तवना दिएका छन् ।
