आज २०८१ साल मंसिर १५ गते शनिबार तदनुसार सन् २०२४ नोभेम्बर ३० तारिख। चतुदर्शी तिथि। बाला चतुर्दशी व्रत। शतबिज छर्ने दिन। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। ज्योतिष पण्डित सूर्यनाथ लुइटेलले तयार पार्नुभएको आजको फलादेशः
मेष : दिन सामान्य छ। वक्र बृहस्पति धनस्थानमा भएकाले सम्पत्ति अनुत्पादक क्षेत्रमा लगानी हुने जोखिम छ। नराम्रो खबर सुन्नुपर्ने हुनसक्छ। काम गर्नु अगाडि विवेक प्रयोग गर्नुपर्ने दिन छ। संकटमा स्वास्थ्यले भने साथ दिनेछ। पेट सम्बन्धी समस्या हुने जोखिम रहेको छ।
वृष : दिन राम्रो छ। साथीको सहयोगमा सुरु गरेको काम सहज बन्नेछ। शिक्षाको क्षेत्रमा उन्नति हुनेछ। लगानीका क्षेत्रमा फाइदा हुनेछ। बौद्धिक व्यक्तिसँग सहकार्य हुने दिन छ। परिवारको साथमा रमाइलो गर्ने अवसर मिल्नेछ।
मिथुन : थोरै बोलेर अगाडि बढ्नु राम्रो हुनेछ। व्यवहारमा तपाईंको बोलीकै कारणा समस्या हुनसक्छ। परिवारको सल्लाहमा अगाडि बढेमा दिन सहज बन्नेछ। प्रेम सम्बन्ध सुमधुर बन्ने योग छ। विदेशको लगानीबाट फाइदा हुनेछ।
कर्कट : शुभग्रहको बहुमत भएकाले अढैया शनिको असर नहुनसक्छ। गोपनीयता भंग नगर्नु राम्रो हुनेछ। नियमित औषधी छुटेमा रोगले सताउने छ। परिवारमा झन्झट आइपर्न सक्छ। प्रेम सम्बन्धमा खटपटी हुनेछ।
सिंह : खानपानमा समस्या हुने दिन छ। प्राविधिक शिक्षामा गरेको लगानीबाट फाइदा हुनेछ। अग्रजको अर्ती लिएर अगाडि बढ्दा दैनिकी सहज बन्नेछ। पेट सम्बन्धी समस्याले सताउने दिन छ।
कन्या : दिन राम्रो छ। दाजुभाइसँग सल्लाह गरेर अगाडि बढ्नु राम्रो हुनेछ। उपचारकोक्रममा भए लाभ मिल्नेछ। राजनीतिक क्षेत्रमा संगठनले राम्रो साथ दिनेछ। व्यापारमा नाफा हुनेछ।
तुला : धनलक्ष्मी योग परेको छ। यसलाई सदुपयोग गरेमा ठुलो नाफा प्राप्त हुनेछ। आफूभन्दा ठुला व्यक्तिसँगको भेटले मन शान्त हुने दिन छ। खानपानमा ख्याल नगर्दा पुरानो रोगले सताउने जोखिम हुनसक्छ। साथीको सल्लाहमा अगाडि बढ्नु राम्रो होला।
वृश्चिक : आज तपाईंको राशिमा वक्र गतिका बुध पुगेका छन्। बोल्दा ख्याल नगरेमा झुटो आरोप लाग्नसक्छ। लगानीका क्षेत्र सबल छन्। ठुलो काममा हात नलगाउनु राम्रो हुनेछ। परिवारसँगको सम्बन्ध सुमधुर बन्नेछ।
धनु : तपाईंको राशिमा उदयमान शुक्र पुगेका छन्। बोलीका कारण राम्रो काम बन्नेछ। फजुल खर्च गर्ने बानीबाट टाढा रहनु राम्रो हुनेछ। स्वास्थ्यमा सुधार हुनेछ। व्यवहार गर्दा सचेत बन्नु राम्रो हुनेछ।
मकर : दिन सामान्य छ। अन्त्य साढेसाती दशा चले पनि शुभग्रहको बलमा राम्रो काम हुनसक्छन्। बिहान उठेर पिपलको दर्शन गरेमा फाइदा हुनेछ। परिवारभित्र साना कुरामा तर्क नगर्नु राम्रो हुनेछ। संकटमा परिवारको भने साथ मिल्नेछ।
कुम्भ : दिन सामान्य छ। सोचेका काममा अवरोध सिर्जना हुनसक्छ। बिहान शिवको भजन सुन्न सकेमा दिन सहज बन्नेछ। वैदेशिक क्षेत्रमा भन्दा स्वदेशमा रोजगारीका विकल्प देखिनेछन्। परिवारको साथ र सहयोग मिल्नेछ।
मीन : दिन राम्रो छ। मुल त्रिकोणमा चन्द्रमा पुगेकाले रचनात्मक क्षमताको विकास हुनेछ। दाजुभाइ वा दिदीबहिनीको सल्लाह लिएर अगाडि बढ्नु राम्रो हुनेछ। शिक्षाको क्षेत्रमा गरेको लगानीले राम्रो परिणाम दिनेछ।
