रत्ननगर, फागुन १३ । नेपाल कम्युनिष्ट पार्टी (एमाले) रत्ननगर वडा नं. १ कमिटीले वडा कार्यालयबाट हुने विकास निर्माण र निर्णय प्रक्रियामा सहभागिता नगराएको भन्दै ध्यानकर्षण गराएको छ ।
सो पार्टीले वडा कार्यालयलाई बुझाएको ध्यानकर्षण पत्रमा वडाबाट गरिएको बजेट तर्जुमा, विकास निर्माण, वडा भवन शिलान्यास, वडा कार्यालयको उद्धघाटन, बकुलहर मा.वि. को व्यवस्थापन समिति गठन प्रक्रिया, मन्दिर सञ्चालक समिति गठन प्रक्रिया लगायत धेरै गतिविधिहरुमा एकलौटी ढंगले अघि बढेको उल्लेख गरिएको छ ।
वडा कमिटी अध्यक्ष तुलसी गिरीले एउटा जिम्मेवार राजनीतिक दललाई वडा कार्यालयले विकास निर्माण र निर्यण प्रक्रियामा सहभागी गराउने विषयमा उदासीन देखिएकाले सचेत गराइएको बताए ।
Facebook Comments Box
